भांगरभूंय | प्रतिनिधी
एअर इंडियाक 30 लाख रुपया दंड
मुंबय, खबरां संस्था ः मुंबय विमानतळार व्हीलचेयर उपलब्ध नाशिल्ल्यान विमानतळाच्या टर्मिनला वयल्यान चलून वतना 80 वर्सां पिरायेचो दादलो कोसळ्ळो आनी उपरांत ताका मरण आयिल्ल्याची घडणूक घडली. हे घडणूकीक लागून नागरी विमान संचालनालयान बिरेस्तारा एअर इंडियाक 30 लाख रुपया दंड घालो.
ही घडणूक 12 फेब्रुवारीक छत्रपती शिवाजी महाराज इंटरनॅशनल विमानतळाचेर घडली. जाण्ट्या प्रवाशाक व्हीलचेयर दिवंक नाशिल्ल्यान एअर इंडियाक 30 लाख रुपया दंड घालो अशें डीजीसीएच्या वरिश्ठ अधिकाऱ्यान सांगलें.
ह्या प्रकरणांत एअर इंडियान स्पश्टीकरण दिले की व्हीलचेराची मागणी चड आशिल्ल्यान जाण्ट्या प्रवाशाक वाट पळोवपाक सांगिल्ल्याचें विमान कंपनीन सांगलें. पूण तांणे स्वता आपले बायलेक व्हीलचेराचेर बसयले आनी तो चलत चलत गेलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
