भांगरभूंय | प्रतिनिधी
पणजी, बातमीदार : कुंकळ्ळी बायपासच्या कामा खातीर केंद्रीय रस्ते आनी महामार्ग मंत्री नितीन गडकरी हांणी बिरेस्तारा गोंयां खातीर ३१०.९२ कोटी मंजूर केले. मुख्यमंत्री डॉ. प्रमोद सावंत हांणी हे विशीं सोशल मिडिया वरवीं गडकरी हांचे उपकार मानले.
दक्षीण गोंयच्या ‘राष्ट्रीय महामार्ग ६६’ चेर उस्कीणी बांध-कुंकळ्ळी ते भेंडोरडें मेरेनच्या ८.३३ किमीच्या बायपासा खातीर ३१०.९२ कोटींचो निधी मंजूर केला. ह्या बायपासाक लागून कुंकळ्ळच्या वाठारांत जावपी उपघातांचो आंकडो देंवतलो. राजधानी पणजी आनी दक्षीण गोंयचो अंतर उणो जावन ताचो फायदो थळावी जनता तशेंच पर्यटकांक मेळटलो, असो विस्वास तांणी उक्तायलो.
मजगतीं, गोंयच्या पायाभूत सुविधां खातीर केंद्रा कडल्यान सदांच अर्थीक निधी मेळटा, अशें म्हणीत डॉ. सावंत हांणी मंत्री गडकरी हांचे उपकार मानले. झुआरी पुलाच्या उक्तावणा खातीर कांय म्हयन्यां आदीं गोंयांत आयिल्ल्या गडकरी हांणी अंदूंच्या वर्सा गोंयच्या रस्त्यांच्या कामांचेर कोट्यांनी रुपया खर्च करतले. तशेंच महामार्गांचेर ‘ब्लॅक स्पॉट’ काडपा खातीर गरजे पुरतो निधी दिवपाची हमी दिल्ली. ते प्रमाण बिरेस्तारा तांणी कुंकळ्ळी बायपासा खातीर ३१०.९२ कोटी मंजूर केल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
