भांगरभूंय | प्रतिनिधी
गाडी घेतना सुरक्षेचीं खाशेलपणां खूब म्हत्वाचीं. सध्या लोक वाहनांत चडांत चड सुरक्षेच्या सुविधांची मागणी करतात. देखून वाहन तयार करपी कंपनींनीय आतां वाहनां सुरक्षेची चड जतनाय घेवन वाहना तयार करपाक लागल्यात. गाडयेची स्टायल आनी पॉवर सयत आतां गाडयेच्या सुरक्षेच्या खाशेलपणांचेर खाशेलें लक्ष दिवपाचें काम सुरू आसा. नव्या तंत्रगिन्याना वांगडाच आतां गाडयांनी नवें सेफ्टी फीचर्स दिवपाक लागल्यात.
देशांतल्यो सगळ्यांत 5 सुरक्षीत गाडयो…
० Kia Sonet
हालींच कंपनीन भारतांत Kia Sonet फेसलिफ्ट मोटार बाजारांत हाडलां. हाची किंमत 7.99 लाख रुपयां पसून सुरू जाता आनी गाडयेच्या सगळ्या वेरिएंटांक वट्ट स एअरबॅग मेळटात.
० Hyundai Venue
Hyundai Venue ही कॉम्पॅक्ट SUV विभागांतली लोकप्रिय एसयूव्ही आसून, ताची किंमत 7.94 लाख रुपया पसून सुरू जाता आनी ताच्या टॉप-लेव्हल मॉडेलाची किंमत 13.48 लाख रुपया (एक्स शोरूम) मेरेन आसा.
० Tata Nexon
Tata Nexon ही भारतांतली एक लोकप्रिय कॉम्पॅक्ट SUV गाडी जी हालींच ग्लोबल NCAP क्रॅश चांचणेंत 5-स्टार सुरक्षीतताय रेटिंग मेळयल्या. Tata Nexon 8.15 लाख ते 15.60 लाखां (एक्स शोरूम) मदीं विकती घेवंक मेळटा. Tata Nexon कॉम्पॅक्ट एसयूव्हीचे सगळे वेरिएंट स एअरबॅगां सयत उपलब्ध आसा.
० Kia Seltos
भारतांत Kia Seltos ची किंमत 10.70 लाख रुपयां पसून सुरू जाता आनी ती 20.30 लाख रुपया मेरेन (एक्स शोरूम) वता. Kia India हालींच सुरक्षेचीं खाशेलपणां वाडोवपाचेर काम करता आनी सगळ्या कार मॉडेल आनी वेरिएंटांत स एअरबॅग दिवपाचेर काम चालू आसा अशें कंपनीन जाहीर केलां.
० Hyundai Exter
Hyundai Exter गाडयेक हालींच ‘इंडियन कार ऑफ द ईयर 2024’ पुरस्कार फावो जाला. कारण ही मायक्रो एसयूव्ही सगळे योग्य नेम पाळटा. Hyundai Exter आपल्या सगळ्या वेरिएंटांत स एअरबॅग दिता. हे गाडयेचें मोल 6.13 लाख ते 10.28 लाख आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
