भांगरभूंय | प्रतिनिधी
भांगरभूंय । प्रतिनिधी
दिवचलः फाटल्या 25 वर्सांत खासदार निधींतल्यान उत्तर गोंयांत उदरगतीच्या अडेज हजार कामांक चालना दिल्या. फुडल्या पांच वर्सांत आनीक कामां करतना तरणाट्यां मदीं वाचन संस्कृती वाडोवपाक वाचपघऱां खातीर निधी उपलब्द करून दिवपाचेर आपलो भर आसतलो अशें उत्तर गोंयचो खासदान आनी केंद्रीय पर्यटन राज्यमंत्री श्रीपाद नायक हाणे सांगलें.
नायक हाच्या खासदार निधींतल्यान दिवचलच्या झांट्ये म्हाविद्यालयाच्या वाचपघर इमारती खातीर 50 लाख रुपयांचो निधी दिला. तिो बुन्यादी फातोर बसयल्या उपरांत ते उलयताले. तरणाटे पिळगेन देशाची तशेंच समाजाची सेवा करपाक कडेन लक्ष दिवपाक जाय अशें ताणे सांगलें. हे कार्यावळीक मयेंचो आमदार प्रमेंद्र शेट, झाट्ये एज्युकेशनल सोसायटीचो अध्यक्ष आनी आदलो आमदार प्रवीण झांट्ये, उमेश झांट्ये, उपाध्यक्षक सिद्धार्थ झांट्ये, रोहित झांट्ये, गुरुदत्त संझगिरी, सरपंच दत्तप्रसाद कारखांडे हाजीर आशिल्लो.
प्रवीण झांट्येन सुरवाक सगल्यांक येवकार दिलो. उपप्राचार्य डॉ राजेश आमोणकार हाणे उपकार मानले, ह्या वेळार श्रीपाद नायक आनी हेर मानेस्तांच्या हस्तुकीं नव्या वास्तूचो बुन्यादी फातोर बसयलो. कार्यावळीक विद्यार्थी आनी लोक हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
