भांगरभूंय | प्रतिनिधी
पणजी : लोकसभा वेंचणुकेंत उत्तर आनी दक्षीण गोंयचे उमेदवार थारोवपा खातीर भाजपा फुडाऱ्यांच्यो दिल्लींत बसकांचें सत्र सुरूच आसा. बसके खातीर मुख्यमंत्री डॉ. प्रमोद सावंत हे बिरेस्तारा परतून दिल्ली गेले.
लोकसभेचे उमेदवार निश्चित करपा खातीर दिल्लीत बसका जातली. बसके खातीर हांव दिल्ली वता, अशी म्हायती डॉ. सावंत हांणी दनपरां विधानभवनात दिली.
उत्तर गोयां खातीर पक्षांन केंद्रीय मंत्री श्रीपाद नायक, दयानंद सोपटे, दिलीप परूळेकार आनी दयानंद मांद्रेकार ह्या चार नांवांची शिफारस केल्या. श्रीपाद नायक हांका उमेदवारी मेळपाचे निश्चित आसा. दक्षीण गोंयांत आदले खासदार अॅड. नरेंद्र सावयकार आनी चंद्रकांत कवळेंकार हांचे मदीं सर्त आसा. जिखून येवपाची तांक कोणा कडेन आसा, हाचेर दक्षीण गोंयचे उमेदवारीचो निर्णय जातलो, अशें संकेत मेळटात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
