भांगरभूंय | प्रतिनिधी
आतां सगळ्या वापरप्यांक सोशल मिडिया प्लॅटफॉर्म एक्सचेर ऑडियो-व्हिडियो कॉलिंग करपाक मेळटलें. ही म्हायती कंपनीन पोस्ट वरवीं दिल्या. X हांणी फाटल्या वर्सा ऑक्टोबरांत हें खाशेलपण सुरू केल्लें. उपरांत ही सेवा प्रीमियम ग्राहक आनी IOS वापरप्यांक उपलब्ध आशिल्ली.
X चेर वैशिश्ट्य सक्षम करपाक, तुमकां सेटिंग्जांत वचचें पडटलें. उपरांत Privacy and Safety चेर क्लिक करात. तातूंत डायरेक्ट संदेश पर्याय आसतलो. थेट संदेशांत ऑडियो आनी व्हिडियो कॉलिंग सक्षम करात. एकदां वैशिश्ट्य सक्षम केल्या उपरांत, तुमकां कोण फोन करूंक शकता तें तुमी निवडूंक शकतात. तांतूत सत्यापीत केल्ले वापरपी, तुमी फॉलो करतात ते लोक, वा तुमच्या ॲड्रेस बुकांतले लोक आसतलें.
ऑडियो वा व्हिडियो कॉल करपाची प्रक्रिया…
० इनबॉक्स चिन्नाचेर टॅप करात. तुमकां संदेशां कडेन निर्देशीत करतलें.
० सद्याच्या DM संवादाचेर टॅप करात वा नवे संवाद सुरू करात.
० ऑडियो वा व्हिडियो कॉल सुरू करपाक फोन आयकॉनाचेर टॅप करात.
० उपरांत ऑडियो कॉल सुरू करपाक ऑडियो कॉलाचेर टॅप करात.
० व्हिडियो कॉल सुरू करपाक व्हिडियो कॉलाचेर टॅप करात.
० उपरांत तुमी फोन करतात त्या खात्याक नोटिफिकेशन मेळटलें.
ऑडियो-व्हिडियो कॉलांचे वेवस्थापन कशें करचे?
ऑडियो कॉल करतना, कॉल स्पीकराचेर दवरपाक तुमकां ऑडियो चिन्नाचेर टॅप करचे पडटले. मायक्रोफोन चिन्नाचेर टॅप करून तुमी तुमचो मायक्रोफोन म्यूट वा अनम्यूट करूंक शकतात.
व्हिडियो कॉला वेळार, तुमी फ्लिप कॅमेरा चिन्न टॅप करून फुडल्या वा फाटल्या कॅमेऱ्या मदीं स्विच करुंक शकतात. स्पीकर मोड बंद करपाक, तुमकां ऑडियो चिन्नाचेर टॅप करचे पडटले. कॅमेरा चिन्नाचेर टॅप केल्यार कॅमेरो बंद जातलो.
X चेर ऑडियो आनी व्हिडियो कॉल वैशिश्ट्य रोलआउट….
एलन मस्कान आपल्या सोशल मिडिया अॅप एक्सचेर ऑडियो-व्हिडियो कॉल फीचर सुरू केलां. हें खाशेलपण सध्या फकत IOS उपलब्ध आसा आनी बेगीनूच तें Android चेर उपलब्ध जातलें. प्रीमियम वांगड्यांक ऑडियो-व्हिडियो कॉल करपाक मेळटलें. जाल्यार हेर वापरप्यांक फकत कॉल घेवपाक मेळटलें. ही ऑडियो- व्हिडियो कॉलिंगाची सुरवातीची आवृत्ती आसा अशें मस्कान एक्स पोस्ट वरवीं सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
