भांगरभूंय | प्रतिनिधी
‘नॅशनल पेन्शन सिस्टीम’ म्हळ्यार एनपीएसच्या खातें धारकां खातीर एक म्हत्वाची खबर. पेन्शन फंड रेग्युलेटरी आनी डेव्हलपमेंट ऍथॉरिटी (पीएफआरडीए) प्रमाण १ एप्रील सावन एनपीएस खात्याक आधार जुळोवप सक्तीचें आसतलें. गिरायक आनी भागधारकांची सुरक्षीतताय मतींत दवरून पीएफआरडीएन हो निर्णय घेतला.
केंद्र आनी राज्य सरकारा खाला नोडल कार्यालयां आनी तांच्या तांच्या संस्थांचो सध्या एनपीएस वेव्हारा खातीर केंद्रीय रेकॉर्ड किपिंग एजन्सी ‘CRA’ चे वेबसायटीचेर प्रवेश मेळोवपा खातीर पासवर्ड लॉग-इन वापरतात.
सीआरए प्रणाली वापरतना सुरक्षा उपाय वाडोवपा खातीर आनी वांगडी आनी भागधारकांचो फुडार राखपा खातीर सीआरए प्रणालींत लॉग इन करपाक आधार आदारीत प्रमाणीकरणा वरवीं आनीक सुरक्षितताय विशिश्टां सुरू करपाचो निर्णय घेतला. सीआरए प्रणालीक दोन-घटक प्रमाणीकरणा वरवीं प्रवेशयोग्य करपा खातीर आधार आदारीत लॉगीन प्रमाणीकरण आतांचे वापरकर्ते आयडी आनी पासवर्ड प्रक्रिये सयत एक करतले. आतां दोन-घटक प्रमाणीकरणा उपरांतूच सीआरए प्रणालींत लॉग ईन जातलें.
PFRDA न जारी केल्ल्या परिपत्रकांत म्हणलां, नवी लॉग-इन प्रक्रिया १ एप्रील २०२४ सावन लागू जातली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
