भांगरभूंय | प्रतिनिधी
नवी दिल्ली, खबरां संस्था ः संवसारांतल्या सगळ्यांत लोकप्रीय क्रिप्टोकरंसी बिटकॉयनाचें मोल 24 फेब्रुवारीक 56 हजार डॉलर मेरेन पावली. सुमार 26 म्हयन्यां उपरांत म्हळ्यार दोन वर्सां आनी दोन म्हयने उपरांत मोल खूब वाडल्याचे दिसून आयलें. ताचे आदीं नोव्हेंबर 2021 वर्सा बिटकॉयन सगळ्यांत चड 69,000 डॉलरांचेर पावलो. ते उपरांत तातूंत व्हड उणाव सुरू जालो.
बिटकॉयन परतून कित्याक वाडटा?
ब्लूमबर्गाच्या अहवाला प्रमाण, बिटकॉयनांत ही वाड जावपाचें कारण म्हणल्यार एक्सचेंज ट्रेडेड फंड (ईटीएफ) वरवीं शाश्वत गुंतवणूकदारांची मागणी सतत वाडप. ईटीएफच्या बळिश्ट प्रवाहाक लागून गुंतवणूकदार परत एक फावट क्रिप्टोकरंसी कडेन वळपाक लागल्यात. बिटकॉयन सध्या 9.26 टक्क्यांच्या वाडी सयत दर टोकनाक 56,062.02 डॉलर इतली आसा.
फाटल्या म्हयन्यांत गुंतवणूकदारांनी क्रिप्टोकरंसी ईटीएफांत 5 बिलियन डॉलर परस चड गुंतवणूक केली. अमेरिकेंतल्या सिक्युरिटीज अँड एक्सचेंज कमिशनान (SEC) बिटकॉयन ईटीएफाक मान्यताय दिल्या उपरांत नव्या गुंतवणूकदारांनी बिटकॉइनांत गुंतवणूक करपाची अपेक्षा आशिल्ली आनी आतां अशेंच घडटा.
बिटकॉयन : सगळ्यांत लोकप्रीय क्रिप्टोकरंसी
बिटकॉयनाच्या दराची लोकांक चड करून उमेद आसता कारण ती एक उच्च जोखीम-उच्च परतावो आशिल्ली मालमत्ता जावन आसा. 2010 ते 2020 वर्सां मदीं ताणें 90,00,000 टक्के (सोर्स-CoinDesk) परतावो दिला जो असामान्य आसा.
बिटकॉयन म्हणल्यार कितें?
बिटकॉयन हें एक व्हर्च्युअल करन्सी. डॉलर, रुपया वा हेर खंयच्याय चलनाचो वापर जे पद्दतीन करतात तेंच प्रमाण बिटकॉइनाचो वापर करता पूण ते डिजिटल रुपांत वापरतात. ऑनलायन पेमेंट सोडल्यार ताचें रुपांतर डॉलर वा हेर चलनांत करूं येता. हाची सुरवात 2009 वर्सा जाल्ली. आयज ताचो उपेग ग्लोबल पेमेंट म्हणून करतात. हाचे खरेदी-विक्री खातीर एक्सचेंजय आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
