भांगरभूंय | प्रतिनिधी
ग्वाल्हेर, खबरां संस्था: मध्य प्रदेशांतल्या दिंडोरी हांगा पिकअप गाडी उमथी पडून १४ जाणांक मरण आयलें. जाल्यार २० जाण जखमी जाल्यात. पिकपींत सुमार ४५ जाण आशिल्ले. बिचिया पुलीस स्टेशनाचे हद्दींत बिरेस्तारा फांतोडेर सुमार ३ ते ४ च्या मजगतीं हो अपघात जालो. मरण आयिल्ल्यां मदीं ६ दादले आनी ८ बायलांचो आसपाव आसा. ह्या सगळ्यांची पिराय १६ ते ६० वर्सां मजगतीं आसा.
अतिरिक्त पुलीस अधीक्षक जगन्नाथ मरकाम हांणी दिल्ले म्हायती प्रमाण, गांवचे लोक एके कार्यावळीक गेल्ले. हे कार्यावळींतल्यान परततना पिकअप नियंत्रणा भायर वचून २० फूट सकयल शेतांत कोसळ्ळी.
पिकपिचो विमा आनी फिटनेस सोंपिल्लें
परिवहन विभागाच्या वेबसायटीचेर पिकअपचो विमो ऑगस्ट २०२१ मेरेन आशिल्लो. सप्टेंबर २०२२ त फिटनेसची मुजत सोंपिल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
