भांगरभूंय | प्रतिनिधी
भांगरभूंय । प्रतिनिधी
वास्कोः मुरगांव शिमगोत्सवांत अदूं स दीस कार्यावळी आयोजीत करपाचो निर्णय शिमगोत्सव समितीच्या सोमाराक जाल्ले बसकेंत घेतलो. नगराध्यक्ष गिरीश बोरकार हाच्या अध्यक्षते खाला ही बसका जाली. बसकेंत सचीव संतोष खोर्जुवेकार हाणे आतां मेरेन पुराय जाल्ल्या कामाची म्हायती दिली. 25 मार्चाक ग्रामदैवत श्री दामोदराक गुलाल ओपल्या उपरांत ऑर्केस्ट्रा बँजो वादना सयत शारांत शिगमो मिरवणूक काडटले.
मुरगांव पालिका इमारती सामकार उबारल्ल्या रंगमाचेर 29 मार्चाक सांजे नाटकाचो प्रयोग जातलो. 30 मार्चाक सांजे मुरगांव तालुक्यांतल्या शालेय विद्यार्थ्यां खातीर वेगवेगळ्यो कार्यावळी जातल्यो. 31 मार्चाक सांजे लावणीची कार्यावळ जातली. 1 एप्रिलाक सांजे महाराष्ट्रांतल्या नामनेच्या कलाकारांची विशेश कार्यावळ जातली. 2 एप्रिलाक सांजे संगीताची कार्यावळ जातली. 3 एप्रिलाक दनपारां 4 वरां सावन गोंय पांवड्या वयली चित्ररथ, रोमटांमेळ, लोक नाच, वेशभण सर्त जातली.
बसके उपरांत शिगोमोत्सव समितीच्या पदाधिकाऱ्यांनी ग्रामदैवत श्री दामोदराच्या पवीत्र पांयार पावती पुस्तक दवोरून शिगमोत्सवाच्या कामाक सुरवात केली. ह्या वेळार समितीचो उपाध्यक्ष शेखर खडपकार, संतोष नायक, दामू कोचरेकार, उमेश साळगांवकार, सरचिटणीस संतोष खोर्जुवेकार, भांडारी चंद्रकांत गांवस, सल्लागार प्रकाश गांवस, जोड भांडारी शैलेश गोवेकार, विनोद किनळेकार, नंदू देसाय, साईनाथ आमोणकार, प्रसाद प्रभुगांवकार, संतोष केरकार आनी कार्यकारिणीचे हेर वांगडी हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
