भांगरभूंय | प्रतिनिधी
हरमल, बातमीदार: हरमलच्या पंचायत वाठारांतल्या हरमल- कोरगांव कॉलेज रोडाची अवस्था सामकी बाबत जाल्ली. फोंडकुलां चड आनी डांबर उणो पडिल्ल्यान हांगाच्यान वाहनां काडप त्रासाचें जाल्लें. हो रस्तो दुरुस्त करपाची सरकारान परवानगी दिल्ल्यान पालकांनी समाधान उक्तायलें.
ह्या रस्त्याच्या दुरुस्तीकरणांत पालयें भोम ते पार्सेकर सॉ मील मेरेनच्या मार्गाचो आसपाव आसा. ह्या रस्त्यांचें नवें काम, रुंदीकरण आनी डांबरीकरण अशे टप्पे आशिल्ल्यान सुमार २ कोटी १० लाख रुपया ह्या कामांचेर खर्च करतले. हो मार्ग एमडी आर १७ आनी १८ क जोडटले. ह्या कामाच्या आदेशाची प्रत उपलब्ध जातांच पालकांनी समाधान उक्तायलें.
ह्या रस्त्याच्या मार्गांतल्यान नवीं उदकाचीं पायपां बसोवपा खातीर रस्तो खणपाचें काम चालू आशिल्ल्यान ह्या रस्त्याचें काम सुरू जावपाक मात्सो कळाव जावपाची शक्यताय आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
