भांगरभूंय | प्रतिनिधी
पणजी, बातमीदार ः मांडवी पुलाचेर बिरेस्तारा सांजवेळार जाल्ल्या अपघातांत दुचाकी चालक जावेद सडेकार (38, हळदोणें) पुला वयल्यान न्हंयेंत पडिल्लो. ताची कुड आयज सकाळीं कॅसिनो लागसार मांडवी न्हंयेंत सांपडली.
अपघातांत रेण्ट अ कारीचो दुचाकीक नेटान धपको बशिल्ल्यान जावेद उसळून सयकल पडलो. रेन्ट ए कॅब चालक अंकीत त्रिपाठी पणजे सावन पर्वरे वतालो. पोरण्या मांडवी पुलाचेर पावले उपरांत ताणें फुडें वचपी वाहनाक ओव्हरटेक करून ताणें नेटान फुडें वचपाचो यत्न केलो. त्याच वेळार ताचो मोटारी वयलो ताबो सुटलो आनी मुखा वेल्यान येवपी मोटारसायकलीक नेटान धपको बसलो. ताका लागून दुचाकी चालक उसळून न्हंयेंत पडलो.
पुलिसांनी रेण्ट अ कार चालका आड गुन्यांव दाखल करून ताका अटक केल्ली. जाल्यार जावेद सडेकाराचो सोद दोन दिसां सावन पुलीस आनी उजो पालोवपी दळाचे जवान घेताले. 36 वरां परस चड काळ सोद कार्य चालू आशिल्लें. निमाणे आयज सकाळीं कॅसिनो लागसार मांडवी न्हंयेंत ताची कुड सांपडली.
मजगतीं, अपघाता उपरांत मोटार चालक अंकीत त्रिपाठी हाची वैजकी चांचणी केली तेन्ना तो सोरो पियेवन मोटार चलयतालो अशें वैजकी अहवालांत स्पश्ट जाल्ल्याची म्हायती मुखार आयल्या. ताचे आड भादंसंच्या कलम 279, 337, 304 ए आनी मोटार वाहन कायद्याच्या कलमा खाला गुन्यांव दाखल केला.
हेंय वाचात….
मांडवी पुलाचेर दुचाकी-मोटार हाचे मदीं अपघात
मांडवी पुलाचेर अपघात, मोटार चालकाक अटक
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
