भांगरभूंय | प्रतिनिधी
वाळपय: पिसुर्लें पंचायतीची उपसरपंच बिजली गावडे हांणी आपल्या पदाचो राजिनामो सत्तरी म्हाल गटविकास अधिकाऱ्यांक सादर केलाे. ह्या पदाची प्रत सरपंच देवानंद परब हांचे कडेन सुपूर्द केल्या.
हे विशींची म्हायती अशी, पंचायतीची वेंचणूक जाले उपरांत ह्या पंचायतीच्या उपसरपंचपदार बिजली गावडे हांची नेमणूक जाल्ली. अलिखीत कबलाती प्रमाण तांचो कार्यकाळ सोंपले उपरांत तांणी आपल्या पदाचो राजिनामो सुपूर्द केलो.
हे विशीं अदीक म्हायती दितना सरपंच देवानंद परब हांणी सांगलें, अलिखीत कबलाती प्रमाण तांची उपसरपंचपदार निवड जाल्ली. तांचो कार्यकाळ पुराय जाल्ल्यान तांणी पदाचो राजिनामो सादर केला. तांचो राजिनामो मंजूर जाले उपरांत दुसऱ्या उपसरपंचाची निवड करतले अशें तांणी म्हणलें.
मजगतीं, वाळपय गटविकास अधिकाऱ्या कडेन संपर्क सादलो तेन्ना तांणी सांगलें, सदर राजिनामो पत्र मंजूर जाले उपरांत दुसऱ्या उपसरपंचपदा खातीरची वेंचणूक घेतले. ते विशींची कार्यावळ रोखडीच जाहीर करतले अशें तांणी स्पश्ट केलें.
मजगतीं, हे विशीं आपली प्रतिक्रिया उक्तायतना बिजली गावडे हांणी सांगलें, पंचायत वेंचणूक जाले उपरांत सगल्या वांगड्यांनी सहकार्य केल्ल्यान आपली उपसरपंचपदार निवड जाली आनी तांणी बरें सहकार्य केलें. अलिखीत कबलाती प्रमाण आपलो कार्यकाळ सोंपिल्ल्यान आपणें पदाचो राजिनामो दिल्ल्याचें बिजली गावडे हांणी आपली प्रतिक्रिया दितना स्पश्ट केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
