भांगरभूंय | प्रतिनिधी
भांगरभूंय । प्रतिनिधी
दिवचलः बोर्डें दिवचल हांगा गोठण वाठारांत बिरेस्तारा व्हिकी ह्या तरणाट्याक पट्टेरी वाग दिसलो . दुचाकी वयल्यान वतना रस्तो हुपून वतना व्हो वाग दिसलो अशें ताणे सांगलें. ह्या वाठारांत हाचे पयलीं वाग दिसल्ल्याचें जायते जाणांनी सांगलें. वागाचो वावर सुरू आसा अशी म्हायती ऱानां खात्याक आनी प्राणी इश्टांक दिल्ली अशें नगरसेवक अनिकेत चणेकार हाणे सांगलें
बिरेस्तारा पट्टेरी वाग दिसल्याचें सांगल्या उपरांत प्राणी इश्ट अमृत सिंग हाणे ह्या वाठाराची पळोवणी केली. पट्टेरी वाग ह्या वाठारांत आसल्यार ताचे सुवातेर झाडांक बुड्ड्यल्याच्यो कुरो आसतात अशें ताणे सांगलें. वाग आसल्यार लोकांनी आपलीं गोरवां आनी पाळल्ल्या जनावरांचेर नदर दवोरची अशी सूचोवणी ताणे लोकांक केल्या. दिवचलचो आमदार डॉ चंद्रकांत शेट्ये हाका वागा संबंदीची म्हायती दिल्या. रानां विभागा कडेन चर्चा करून ह्या संबंदी खरें किदें तें पळयतले. वागाक धरपाक पिंजरो लावपा विशीं चर्चा केल्या अशें ताणे सांगलें.
गोठण वाठारांत वागान जनावरांची शिकार केल्ल्याचे दिसून आयलें ना. मात आपणे पळयल्लो तो पट्टेरी वाग आशिल्ल्याचें व्हिकी हाणे सांगलां. राना खात्यान ताची शहानिशा करपा खातीर पावलां घातल्यांत अशें कळटा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
