भांगरभूंय | प्रतिनिधी
रॅस्टोरंण्टा भायर दुचाकी उबी केल्ल्याचें कारण
मडगांव: गिरदोली चांदरा सागर सुपर स्टोअर्सा भायर मंगळारा रातीं फ्रँकी रॉड्रिग्ज (49) हांकां पेद्रो मान्युएल फर्नांडीस (60) आनी ओसवाल्ड फर्नांडीस (34, दोगूय रावपी कवाते गिरदोली, चांदर) हांणी गाळी संवून मारपेट केली. ह्या प्रकरणांत मायणा कुडटरी पुलिसांनी दोगांय दुबावितांक अटक केल्या.
मेळिल्ले म्हायती प्रमाण मंगळारा रातीं 8 वरांच्या सुमाराक गिरदोली चांदरा सागर सुपर स्टोअर्सा भायर पेद्रो फर्नांडीस आनी ओसवाल्ड फर्नांडीस ह्या दोगांयनी फ्रँकी रॉड्रिग्ज हांकां आक्षेप घेवपी भाशा उलोवन हातांनी आनी पायांनी मारपेट केली. ह्या प्रकरणांत फ्रँकी रॉड्रिग्ज हांचो भाव जिम्मी रॉड्रिग्ज हाणें मायणा कुडटरी पुलीस स्टेशनार कागाळ दिली.
मायणा कुडटरी पुलिसांनी दागांय दुबावितांक अटक करून फुडलो तपास करतात. फ्रँकी हांणी दुबावीत पेद्रो आनी ओसवाल्ड फर्नांडीस हांच्या रॅस्टोरंण्टा भायर दुचाकी पार्क केल्ल्याच्या कारणाक लागून ही मारपेट जाल्ल्याचें समजता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
