भांगरभूंय | प्रतिनिधी
भांगरभूंय । प्रतिनिधी
माशेलः गोंय प्रदेश साने गुरूजी कथामाळ आनी खांडोळें सरकारी म्हाविद्यालयान कथामाळेचो संस्थापक सर्गेस्त प्रकाशभाई मोहाडीकर यादस्तीक 6 वे अखील गोंय आंतर म्हाविद्यालय आनी गोंय विद्यापीठ पांवड्या वयले खांडोळें म्हाविद्यालय सभाघरांत घेतिल्ले वक्तृत्व सर्तींत केपें सरकारी म्हाविद्यालयाच्या वृषाली प्रदेश जोशीन पयलें इनाम फावो जालें. हरमलच्या गणपत पार्सेकार बीएड म्हाविद्यालयाच्या पल्लवी उल्हास घाडी हाका दुसरें आनी साखळी सरकारी म्हाविद्यालयाच्या धनश्री विजय जाधव हिणे तिसरें इनाम मेळयलें. म्हापशेंच्या ज्ञानप्रसारक म्हाविद्यालयाच्या रिया राजेश पास्ते आनी गोंय विद्यापिठाच्या गायत्री बाळकृष्ण कदम हांकां उमेद वाडोवपी इनामां दिलीं. सर्ती खातीर “मानवतेचो महामेरू साने गुरुजी” व्हो विशय आशिल्लो. विजय कापडी, स्वप्ना धुपकार आनी संहिता कुलकर्णी हांणी परिक्षक म्हणून काम पळयलें.
सर्तीच्या उक्तावण कार्यावळीक नामनेचो लेखक विजय कापडी, खांडोळें म्हाविद्यालयाची प्राचार्य डॉ पूर्णकला सामंत, गोंय प्रदेश साने गुरुजी कथामाळेचे अध्यक्ष पांडुरंग नाडकर्णी, उपाध्यक्ष श्रीकृष्ण धोंड, कार्याध्यक्ष अशोक तिवळे, डॉ सुनेत्रा कळंगुटकार, डॉ आशा गेहलोत, अनंत सावंत, राजेंद्र सावयकार, शैलजा बाळे, पुष्पा गायतोंडे, प्रेमानंद नायक हाजीर आशिल्ले.
कार्यावळीची सुरवात ‘खरा तो एकची धर्म’ ह्या साने गुरुजीच्या प्रार्थनेन जाली. मानेस्तांनी दिवली पेटयली. डॉ सामंत हिणे येवकार दिलो. पांडुरंग नाडकर्णी हाणे कथामालेच्या वावराची म्हायती दिली. मानेस्तांची वळक डॉ सुनेत्रा कळंगुटकारान करून दिली. विजय कापडी हाणे साने गुरूजीची जीणेपट उगडून दाखयलो. अशोक तिळवे हांच्या पिरायेच्या अमृत महोत्सवी वर्सा निमतान म्हाविद्यालया वतीन तांचो भोवमान केलो. कार्यावळीचें सूत्रसंचानल संपुर्णा भगत, मृणाल वणगे ह्या विद्यार्थिनींनी केलें. प्रा दुमती कुंभार हिणे उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
