भांगरभूंय | प्रतिनिधी
भांगरभूंय । प्रतिनिधी
वास्कोः आदली आमदार एलिना साल्ढाना, काँग्रेस फुडारी क्लेनसियो सिमोईस सयत कासावलेच्या लोकांनी मुरगांवच्या उपजिल्होधिकाऱ्यांची भेट घेवंन कासावले बांदपाच्या रेल्वे ओव्हर ब्रिजाक विरोध करून अंडर पास बांदपाची मागणी केल्या. किदेंय जालें तरी ओव्हर ब्रीज बांदतलेच अशी धमकी रेल्वे अधिकाऱ्यांनी दिल्या अशें ताणी सांगलें.
खर्चीक असो ओव्हर ब्रीज बांदपाचे सुवातेर अंडर पास बांदल्यान लोकांचे बरेच प्रस्न सुटावे जावपाक शकतले. अशें लोकांचें म्हणणे आसा. लेव्हल क्रॉसिंग नंबर 25 चे सुवातेर ओव्हर ब्रिजा खातीर जोड रस्तो तयार करपाक जमीन दिवपाक जमीन धनयाचो विरोध आसा. रेल्वेच्या फिजिबिलिटी अहवालाक ताणे आक्षेप घेतला अशें सिमोईश हाणे उपजिल्होधिकाऱ्याक सांगलां.
कासावली प्राथमीक शाळे कडेन आशिल्ल्या अंडर पासा कडेन रेल्वे अंडर पास बांदल्यार लोकांक बरें पडटले शिवाय जमीन संपादन करपाची गरज आसची ना. चांदर हाकां रेल्वेन 2022 वर्सा कुशावती न्हंयच्या लागीं अंडर पास बादला तसोच कासावली बांदपाची लोकांची मागणी आसा अशें सिमोईशान सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
