भांगरभूंय | प्रतिनिधी
मडगांव: मडगांवां बुधवारा सांजवेळा पिठापूर गोवादवरी पूर्व आंध्र प्रदेश हांगासरल्या श्रीपाद श्रीवल्लभ देवाच्या पादुकांचें दबाज्यान आनी भावपूर्ण वातावरणांत भाविकांनी येवकार दिलो. ह्या वेळार मडगांव सयत वाठारांतल्या भाविकांनी दिंडी मिरवणूक काडली. तशेंच रत्नागिरी हांगासरल्या ढोल पंगडाच्या वाद्यान मडगांवां भक्तीभावाचें वातावरण निर्माण जालें.
श्रीपाद श्रीवल्लभ महासंस्थान आंध्र प्रदेश हांगासरल्या श्रीपाद श्रीवल्लभ देवाच्यो पादुको मडगांवां भाविकांक दर्शना खातीर हाडिल्ल्यो. मडगांवां गोमंत विद्या निकेतनांत पादुकांचें पुजन केलें. पिठापूर हांगासरल्या श्रीपाद श्रीवल्लभ हांच्या जल्मथळा वेल्याना हाडिल्ल्या पादुकांक मठग्रामांत येवकार दिलो.
उपरांत पिंपरपार कडेन पादुकांची मिरवणूक व्हेली थंय तळेबांद आकें हांगा श्री साईधाम मेरेन शोभायात्रा काडली. साईधाम आक्यां पादुको भाविकांच्या दर्शना खातीर दवरतले.
शर्मद रायतूरकार हांणी सांगलें की, श्रीपाद श्रीवल्लभ हांच्या पादुकांचें मंगळारा सांखळे येवकार दिलो आनी आतां मठग्रामांत शोभा यात्र काडटात. पालखी थंय रातभर उरतली आनी बिरेस्तारा सकाळीं नगर प्रदक्षिणा काडटले. उपरांत अभिषेक, आरती आनी महाप्रसाद जातलो.
श्रीपाद श्रीवल्लभ हांच्या दर्शना खातीर कुरवपूर वा पिठापूराक वच्चे पडटा, त्या देवाच्यो पादुको मडगांवां आयल्यात. भाविकांनी दर्शनाचो लाव घेवचो अशें आवाहन केलें. उपरांत नाशीक धोलाच्या वाद्यान श्रीपाद वल्लभ दिगंबराच्या नामजपांत भाविकांनी दिंडी काडली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
