भांगरभूंय | प्रतिनिधी
सांगें: मळकर्णे पंचायत वाठारांतल्या उंदर्णा ते मलकपण हांगा पोरणी उदका पायपलायन बदलून थंय नवी उदका पायपलायन घालपाच्या कामाचो शुभारंभा समाज कल्याण मंत्री सुभाष फळदेसाय हांणी केलो.
ह्या वेळार तांचे सयत सरपंच राजेश गांवकार, उपसरपंच फ्रेडी कुलासो, पंच सिमा नायक, खात्याचे अधिकारी दिनेश भंडारी, आदर्श देसाय आनी ग्रामस्थ हाजीर आशिल्ले.
मलकपण, उंदर्णा ह्या गांवांत उदकाचो उणाव जातालो. 40 टक्के ह्या उदका पायपलायनींतल्यान लोकांक फायदो जातलो. हें काम देड म्हयन्यांत पुराय जातले. उरिल्लें 90 लाखांचें काम मे म्हयन्यांत पुराय जातलें. मे म्हयन्यांत कोणाकूच त्रास जावचो ना हाची सरकारान तजवीज केल्ल्याची म्हायती, मंत्री सुभाष फळदेसाय हांणी दिली.
दरेक सप्तकांत खूबशा कामांचो शुभारंभ सांगें मतदारसंघांत जाता. ह्या पांच वर्सांच्या कार्यकाळांत 2012 ते 2017 त जो विकास जालो ताचे परस चड विकास ह्या कार्यकाळांत जातलो. खूबशे प्रकल्प प्रतिक्षेची वाट पळयतात अशें तांणी म्हणलें.
उगें ग्रामपंचायत वाठारांत हॅण्डीक्राफ्ट, कुणी व्हिलेज हो 10 कोटी रुपयांचो प्रॉजेक्टाचें टेंडर जालां. रोखडीच कामाची निविदा भायर सरतली. हें काम सुरू जाले उपरांत खर्या अर्थान गांवगिर्या वाठारांतल्या लोकांक फायदो जातलो अशें फळदेसाय हांणी म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
