भांगरभूंय | प्रतिनिधी
भांगरभूंय । प्रतिनिधी
काणकोणः श्री मल्लिकार्जुन आनी चेतन मंजू देसाय म्हाविद्यालयावतीन शिवजयंती कार्यावळीत शिक्षणीक, सांस्कृतीक, केळ आनी सामाजीक मळार उल्लेखनीय काम केल्ल्या काणकोणांतल्या व्यक्तींचो भोवमान केलो. सभापती रमेश तवडकार, प्रा. कुलदीप कामत, प्रभारी प्राचार्य डॉ सुचेता नायक, ज्ञान प्रबोधिनी मंडळाचो अध्यश्र चेतन देसाय, उपाध्यक्ष केबी गांवकार, राजेंद्र देसाय ह्या वेळार माचयेर आशिल्ले.
सभापती रमेश तवडकार हाका सहकार महर्षी सर्गेस्त जयसिंहराव राणे समाज पुरस्कार अनिल भगत हांका सर्गेस्त डॉ जिबलो गांवकार पुरस्कार, श्रद्धा प्रभू हिका, डॉ पुंडलीक गायतोंडें पुरस्कार, सोयरू कोमरपंत हाका, सीताराम टेंगशे पुरस्कार, नेल्विन फर्नांडीस हाका, आल्फ्रेड आफोंसो पुरस्कार आनी अभय धुरी हाका श्रमती आशालता वाबगांवकार पुरस्कार भेटोवन तांचो भोवमान केलो. जायत्या विद्यार्थ्यांक खेळां मळार प्रेरणा दिवपी डॉ सावियो लैतांव, के बी गांवकार, आनी प्रा. कुलदीप कामत हांचो ह्या वेळार भोवमान केलो.
शिवजयंती निमतान आयोजीत केल्ले मंजू देसाय यादस्तीक व्याख्यान माळेंत शिवरायांच्या जिणेचो आनी कर्तृत्वाचो नियाळ विद्या प्रबोधिनी म्हाविद्यालयाचो सहाय्यक प्राध्यपाक कुलदीप कामत हाणे नियाळ घेतलो. के बी गांवकाराच्या संशोधनात्मक निबंधाचें वाचन डॉ रुपा च्यारी हिणे केलें. डॉ सुचेता नायकान सुरवेक सगल्यांक येवकार दिलो. सूत्रसंचालन प्रा. दिव्या चंद्रेकर आनी प्रा. अंकिता धोड हाणी केलें. प्रा. पूजा गांवकारान उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
