भांगरभूंय | प्रतिनिधी
पणजी, प्रतिनिधी : संविधानाचें पावित्र्य आनी ताची जतनाय करपाची जापसालदारी आदोवगादांची आसा. तांणी गरीबांचो विचार करून तांकां परवडपा सारकी फी घेवपाक जाय, अशें कायदो मंत्री आलेक्स सिक्वेरा हांणी सांगलें. पणजेत हमारा संविधान, हमारा सन्मान अभियानाच्या उक्तावणा वेळार ते उलयताले.
रीच द अनरीच ह्या तत्वाचेर आदोवगादांनी वावर करपाक जाय. डोंट सेल युवर सोल्स. देशात टेली लॉ सेवा सुरू जावन 7 वर्सां जाल्या. देशांतल्या 70 लाख लोकांक टेली लॉ सेवेचो लाव जाला. गोंयांतूय टेली लॉ सेवेचो लाव चडान चड लोकां मेरेन पावपाची गरज आसा, अशें सिक्वेरा हांणी सांगलें.
गोंय राज्य कायदो सेवा प्राधिकरणाची वांगडी सचिव विजया आम्रे हांचें उलोवप जालें. प्राधिकरण शेंकड्यांनी गरजु लोकांक फुकट कायद्याची सेवा तशेंच सल्लो दिता. कोणाकूय ती सेवा जाय जाल्यार 15100 हो वॉटसअॅप नंबर डायल करचो, अशें तांणी सांगलें.
कार्यावळीक आदोवगाद आनी कायद्याचे विद्यार्थी हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
