भांगरभूंय | प्रतिनिधी
पणजी, प्रतिनिधी : लोकसभा वेंचणुकांच्यो तारखो जाहीर जावंक नासल्यो तरी पुराय देशांत प्रचाराक नेट आयला. मंगळारा राती तेलंगणात जाहीर सभा घेतले उपरांत मुख्यमंत्री डॉ. प्रमोद सावंत हांणी बुधवारा केरळांत लोकसभा वेंचणुकेच्या नियाळा खातीर बसका घेतल्यो.
डॉ. सावंत हांणी बुधवारा इडुक्की (केरळ) मतदारसंघातल्या मुखेल कार्यकर्त्यां कडेन चर्चा केली. लोकसभा वेंचणुकेची तयारी आनी रणनिती विशी चर्चा जाल्ल्याचें ट्विट तांणी केलां. हाचे पयलीं मंगळारा रातीं भोंगिर – तेलंगण हांगां मुख्यमंत्र्यांनी विजय संकल्प यात्रेंत भाशण केलें. नारी, युवा, किसान आनी गरीब कल्याण ह्या चार घटकांक मुखार दवरून मोदी सरकार वावर करीत आसा. लोकसभा वेंचणुकेत तेलंगणात भाजपाक दोन आंकडी जागे मेळटले, असो विस्वास मुख्यमंत्र्यांनी सभेंत उक्तायलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.