भांगरभूंय | प्रतिनिधी
भांगरभूंय । प्रतिनिधी
मडगांवः मयुरेश वस्त सांस्कृतीक प्रतिश्ठाना वतीन गोंयचो नामनेचो तबलेंवादक मयुरेश वस्त यादस्तीक 8 वी अखील गोंय तबलें वादन सर्त आयतार 3 मार्चाक दनपारां 3 वरांचेर मडगांवच्या रवींद्र भवनांत जातली. सर्ती खातीर 3,500 रुपयांचें पयलें इनाम आनी घोळटो करंड, दुसरें इनाम 2,500 आनी तिसरें इनाम 1,500 रुपया आसा. त्या भायर दरेकी 1 हजार रुपयांची पांच उमेद वाडोवपी इनामां दवोरल्यांत.
सर्तींत 14 तें 25 वर्सा पिरायेच्या तबलें विद्यार्थ्यांक वांटो घेवपाक मेळटलो. पयलीं आयिल्ल्याक पयलीं ह्या तत्वाचेर 15 सर्तकांक सर्तींक प्रवेश दितले. प्रवेश अर्ज 29 फेब्रुवारी मेरेन स्विकारतले. तबलें वादना खातीर दरेक सर्तकाक 10 मिनटां दितले. चडावत म्हायती खातीर बिंदिया वस्त नायक (7972382183), अमर मोपकार (9623327062), रोहित बांदोडकार (9970373121), वा अविध नायक (9923163162) हाचें कडेन संपर्क सादचो अशें आयोजकांनी कळीत केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
