भांगरभूंय | प्रतिनिधी
पेडणें, प्रतिनीधी: पेडणें म्हालांतल्या दर्यादेग वाठारांतले इकरावेक शिकपी एके नेण्टे विद्यार्थीनीचेर लैंगीक अत्त्याचार करून तिका गुरवार केल्ल्या प्रकरणांत रामनगर कर्नाटक हांगच्या स्नेहल निकम हाका बायलां पुलीस पंगडान अटक केली. न्यायालयान ताका आठ दिसांची पुलीस बंदखण आयकयल्या. ही कागाळ पयलीं पेडणें पुलिसांकडेन दाखल केल्ली. उपरांत ती बायलां पुलीस स्टेशनांत वर्ग केली.
हे विशीं चड म्हायती प्रमाण, पेडणेंचे एके विद्यार्थिनीचेर बलात्कार करून तिका गुरुवार केली. ते चलयेन हालींच एका बाळकाकूय जल्म दिला. आपले चलयेचेर अत्त्याचार केल्ल्याची कागाळ चलयेच्या आवय- बापायन पेडणें पुलीस स्टेशनांत दिल्ली. ते प्रमाण ही कागाळ बायलां पुलिसां कडेन केल्या उपरांत दुबाविताचो डी एन ए टेस्ट केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
