भांगरभूंय | प्रतिनिधी
भांगरभूंय । प्रतिनिधी
पणजीः प्रधानमंत्री उच्च शिक्षा अभियाना खाला गोंय विद्यापिठाक भोव विशय शिक्षण आनी संशोधन विद्यापीठ म्हणून अपग्रेड करपा खातीर केंद्र सरकारान 100 कोटी रुपयांचो निधी मंजूर केला. हे खातीर मुख्यमंत्री डॉ प्रमोद सावंत हाणे पंतप्रधान नरेंद्र मोदी हांचे सोशल मीडिया वरवीं उपकार मानल्यात.
गोय विद्यापिठांत भोव विशय शिक्षण आनी संशोधन विद्यापीठ म्हणून व्हो निधी दिवपाचो निर्णय प्रकल्प मंजुरी मंडळाचे बसकेंत घेतलो. गोंय विद्यापिठा सयत देशांतल्या हेर विद्यापिठांक व्हो निधी दिला. निधीक लागून गोंय विद्यापिठाचो शिक्षणीक पांवडो वाडोवपाक मजत जातली अशें मुख्यमंत्र्यांनी म्हणलां. नव्या राष्ट्रीय शिक्षण धोरणा खाला देशांतल्या सगल्या विद्यापिठाचो शिक्षणीक नदरेन कायापालट करपाचो निर्णय केंद्र सरकारान घेतला. त्याच खातीर केंद्रान गोंय विद्यापिठाक शंबर कोटी रुपया दिल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
