भांगरभूंय | प्रतिनिधी
भांगरभूंय । खबरां मेज
पणजीः प्रजापिता ब्रह्मकुमारी ईश्वरीय विश्व विद्यालय, गोंय वतीन अदूं मडगांवच्या एसजीपीडीए मैदानार 7 तें 13 मार्च मजगतीं 88 व्या म्हाशिवरात्रोत्सवाचें आयोजन केलां. ताचे भूंय पुजनाची कार्यावळ जाली. ह्या वेळार मडगांव पालिकेची आदली उपनगराध्यक्ष दापाली सावळ, समाज वावुरपी योगिराज दिगंबर कामत, नेहा योगिराज कामत, गोंय आनी सिंधुदुर्ग ब्रम्हकुमारी विद्यालयाची मुखेल संचालिका शोभा बहेनजी, काणकोण फाट्याची संचालिका सुरेखा बहेनजी, मडगांवची राखी बहेनजी हाजीर आशिल्ली.
दीपाली सावळना ईश्वरीय सेवे खातीर परबीं भेटोवन समाज प्रबोधन वावराक आपलो सदांच तेंको आसतोलो अशें सांगलें. योगिदार कामत हाणे ब्रह्मकुमारीचें मुख्यालय मावंट अबूक आपणे भेट दिल्ल्याची म्हायती दिली. नेहा कामत हिणे म्हाशिवरात्रोत्सवाची तयारी बेगीन जाऊंनी अशें सांगलें. सुरेखा बहेनजीन योगीक शेती कशी करची हे विशीं उत्सवांत मार्गदर्शन करतले अशें सांगलें. रासायनीक सारें वापरून तयार जावपी पीक मनश्याक तरेकवार दुयेंसाचें मुखेल कारण आसा. ते खातीर योगीक शेताची गरज आशिल्ल्यान ते विशीं मार्गदर्शन म्हत्वाचें थारतलें अशें सांगलें.
म्हाशिवरात्रोत्सव म्हणल्यार परमपिता शीव हांचो दिव्य संदेश आसा. सर्व धर्म समभाव शिकवण आत्मसात करून ह्या देवाच्या कार्यांत गोंयांतल्या सगल्या नागरिकांनी व्हडा संख्येन हाजीर रावपाचें आवाहन शोभा बहेनजीन ह्या वेळार केलें. कार्यावळींत मुंबयचे ई व्ही गिरीश आनी डॉ सचीन परब आनी आंतरराष्ट्रीय नामनेचे वक्ते मार्गदर्शन करतले. भूंय पुजन कार्यावळीचें सूत्रसंचालन नागराज अंकलेकर हाणे केलें आनी पटेलभाईन उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
