भांगरभूंय | प्रतिनिधी
भांगरभूंय । प्रतिनिधी
केंपंः नवेवाडो आंबावलीच्या सनसेट वॉरियर्स क्लबान आयोजीत केल्ल्या दुसऱ्या क्रिकेट सर्तींत आंबावलीच्या यंग स्ट्रायकर्स पंगडान सांगेच्या एनडी मुगोळी पंगडाक 10 विकेटींनी हारोवन वस्तादपण मेळयलें.
यंग स्ट्रायकर्सान पयलीं बॉलींग करून एनडी मुगोळीक 2 ओव्हींरींत 22 धांवड्यांचेर आडायलें. लक्ष्याचो फाटलाव करतना तांणी नवदीप गांवकाराच्या स्पोटक बॅटिंगेच्या नेटार 1 ओव्हरींत 23 धांवड्यो केल्यो. जैतिवंतांक 15 हजार रुपये आनी करंड आनी उपजैतिवंत मुगोळीक 10 हजार आनी करंड दिलो. बॅट्समन म्हणून नवदीप गांवकार (यंग स्ट्रायकर्स) आनी बॉलर म्हणून सूरज गांवकार (मुगोळी) हांकां इनामां दिली.
इनाम भेटवण कार्यावळीक आंबावलीचो पंच वांगडी एवेत्त कार्दोझ, सरपंच देवीदास देयकार, पंच वांगडी प्रीती गांवकार, उदय तळवडकार, अशोय देयकार, रत्नाकर देयकार हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
