भांगरभूंय | प्रतिनिधी
बँके कडेन ठेविदारांचे 73 कोटी रुपया आडकल्यात
पणजी : म्हापसा अर्बन बँकेंत ठेविदारांचे पयशे परतून मेळपा खातीर मुख्यमंत्री डॉ. प्रमोद सावंत हांणी हस्तक्षेप करून लिक्विडेटराची बेगिनात बेगीन नेमणूक करची, अशी मागणी ठेविदारांनी केल्या. म्हापसा अर्बन बँकेंत ठेविदारांचे 73 कोटी रुपया आडकल्यात. फाटल्या तीन म्हयन्यात 53 ठेविदारांक फक्त 23 लाख रुपया मेळ्ळ्यात.
बेगिनात बेगीन लिक्विडेटरची नेमणूक करची अशी मागणी जोसेफ कोरनेरो, प्रभाकर साळगांवकार, अरूण खंवटे आनी डॉ. कुंदा केणी हांणी केल्या. निवृत्त सरकारी अधिकारी अँथनी डिसा हे बँकेचे लिक्विडेटर आशिल्ले. तांचो कार्यकाळ सोंपून एक वर्स पुराय जालां. अजून लिक्विडेटराची नेमणूक सरकारान करूंक ना. लिक्विडेटरानी बँकेची मालमत्ता सवाय दरांत विकिल्ल्यान बँकेचें लुकसाण जालां. खूबशा जेश्ठ नागरिकांच्यो ठेवी म्हापसा अर्बन बँकेंत आसात. उपचार तशेंच वखदांक ज्येश्ठ नागरिकांक पयशांची गरज आसता.
म्हापसा अर्बन बँकेच्या ठेविदारांक न्याय मेळचो म्हूण मुख्यमंत्र्यांनी हस्तक्षेप करचो अशी मागणी ठेविदारांनी केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
