भांगरभूंय | प्रतिनिधी
काणकोण: देळें सावन मडगांवचे दिशेन वचपी पत्रकार भास्कर देसाय हांचे दुचाकीक फाटल्यान येवपी वेगोन आर मोटारीन धपको दिलो. तातूंत ते जखमी जाले आनी तांची दुचाकी वेगोन आर मोटारी पोंदा सांपडली. तातूंत भास्कर देसाय जखमी जाले. तांचे दुचाकीचो चुरो जालो. वेगोन आर मोटारीन दिनकर मेस्त्रीच्या दुकानाक धपको दिलो.
हो अपघात आयज (आयतारा) सांजवेळा 4.45 वरांचेर घडलो. तातूंत दुकानाच्या फुडल्या दाराचें लुकसाण जालें. जाल्यार दुचाकी पूर्णपणान खिळखिळी जाली.
कोणकोण पुलिसांनी अपघाताचो पंचनामो केला. जखमी भास्कर देसाय हांचेर काणकोणच्या हॉस्पिटलांत मुळावे उपरांत करून मडगांवच्या हॉस्पिटलांत फुडल्या उपचारा खातीर तांकां धाडून दिल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
