भांगरभूंय | प्रतिनिधी
भांगरभूंय । प्रतिनिधी
सांगेंः सांग्याचो आमदार आनी समाज कल्याण मंत्री सुभाष फळदेसाय हांच्या पालवान रायकार जीम- सांगे आनी ऑक्सिजन जीम- काकोडें हांच्या जोड पालवान सांगें मिनिस्टर श्री 2024 सर्त 1 मार्चाक सांजे 6.30 वरांचेर सांगें बसस्टॅण्डार जातली.
काकोडें ऑक्सिजन जिमांत घेतिल्ले पत्रकार परिशदेंत बॉडी बिल्डिंग अॅण्ड फिटनेस असोसिएशनाचो अध्यक्ष संजय (आबुली) रायकार हाणे ही म्हायती दिली. ह्या वेळार उपाध्यक्ष खुशाली विर्डीकार, सचीव प्रदीप नायक. दामोदर नायक, नुरुद्दीन शेख आनी काकडें जिमाचो धनीी रविकांत घाडी हाजीर आशिल्ले.
सर्त वुमन फिजीक स्पोर्टस, मेन्स फिजीक स्पोर्ट्स आनी बॉडी बिल्डिंग अश्या तीन गटांत जातली. 55 किलो, 60, 65, 70, 75 आनी ताचे परस चड अश्या श्रेणींत सर्त जातल्यो अशी म्हायती रायकारान दिली. सर्ती खातीर 3 लाख रुपयाचीं रोख इनामां आनी करंड दितले. जे ह्या सर्तींत जैतिवंत जातले तांचो आसपाव राष्ट्रीय सर्तींत वांटो घेवपी गोंयच्या पंगडांत करतले. राज्यांतल्या बॉडी बिल्डरांनी सर्तींत वांटो घेवंन ती येसस्वी करची अशें आवाहान सर्तीच्या जाळवणदारांनी केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
