भांगरभूंय | प्रतिनिधी
खबरां संस्था
जोहान्सबर्गः दक्षीण आफ्रिकेचो म्हान अश्टतासी खेळगडो मायक प्रॉक्टर संवसाराक अंतरलो. ताणे दक्षीण आफ्रिकेक जायत्या मॅचींनी जैत मेळोवन दिल्लें. क्रिकेट कोच म्हणून तशेंच मॅच रेफ्री म्हणून ताणे काम केल्लें. पिराचेच्या 77 व्या वर्सा ताका मरण आयलें.
प्रॉक्टर हाका काळजा दुयेंसाचो त्रास आशिल्लो. ताचेर बायपास शस्त्रक्रिया केल्ली मात ती येसस्वी जावपाक शकली ना. ताची घरकान्न मारिना हिणे शेनवारा रातीं उसरां ताच्या मरणाची खबर दिली. 1970-80 चें दशक दक्षीण आफ्रिके खातीर बरें नाशिल्लें. जायत्यो समस्या आसतना प्रॉक्टरान आपले कामगिरीन क्रिकेट मळाक अजापीत केल्लें. तो फकत 7 टॅस्ट मॅची खेळ्ळो त्यो लेगीत ऑस्ट्रेलिये आड. प्रॉक्टराची क्रिकेट कारकिर्द चड तिगली ना तरी ताचो आसपाव म्हान क्रिकेटीयराचे वळेरेंत जाल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
