भांगरभूंय | प्रतिनिधी
प्रयागराज, खबरां संस्था ः सरन्यायाधीश डी. वाय. चंद्रचूड हांणी एक वक्तव्य केलां जाचेर बरीच चर्चा जातना दिसता. प्रयागराजांतल्या राजेंद्र प्रसाद राष्ट्रीय विधी विद्यापीठाच्या उक्तावण कार्यावळीक तांणी हें वक्तव्य केलां. हे कार्यावळीक उत्तर प्रदेशचे मुख्यमंत्री योगी आदित्यनाथ हाजीर आशिल्ले.
चंद्रचूड हांणी कितें म्हणलें?
‘अति का भला न बोलना, अति की भली न चूप, अति का भला न बरसना, अति की भली न धूप’ हो दोहा आयकोवन डी. वाय. चंद्रचूड हांणी म्हणलें, खंयचीय व्यक्ती चड उलयता तें योग्य न्हय. तशेंच चड शांत रावप, मौन रावपूय योग्य न्हय. तशेंच हांवें शांत रावप, मौन बाळगप योग्य न्हय.
ह्या वेळार तांणी कायद्या विशीं जायत्या गजालींचो उल्लेख केलो. कायद्याचें शिक्षण घेवप हो तुमचो हुद्दो म्हणून स्विकारचें न्हय. जाल्यार एक वकील जाले उपरांत नव्या विशयांची वळख, समाजांतल्यो समस्या, तशेंच बदल घडोवन हाडपाचेरूय लक्ष केंद्रीत करचें अशेंच तांणी म्हणलें. गांवगिर्या वाठारांत शिक्षणाच्या मळार आनी विस्तार जावपाची गरज न्या. चंद्रचूड हांणी उक्तायली.
कसलोच भेदभाव जावंक फावना
शिक्षण दितना कसलोच भेदभाव जावंक फावना. खंयचोय अभ्यासक्रम विद्यार्थ्यांक आपलो असो दिसपी आसूंक जाय. इंग्लीश भास आसली तरी तांकां ताण हाडचो न्हय. हिंदींतल्यान शिक्षणाक प्राधान्य दिवचें. अशें जालें जाल्यार जायते प्रतिभावान विद्यार्थी मुखार येतले. शिक्षणीक संदीय फावो त्या प्रमाणांत दिवपाक जाय. भास, प्रदेश, लिंग हांचेर कसलोच भेदभाव जावंक फावना अशेंय मत न्या. चंद्रचूड हांणी उक्तायलें. शिक्षण वेवस्थेंतल्यो आडखळी पयस करपा खातीर सगळ्यांनी वावुरचें अशेंय तांणी सांगलें.
मुख्यमंत्री योगी आदित्यनाथ हांणी चंद्रचूड हांकां श्री गणेशाची मूर्त भेटयली. ह्या फोटवाचेर सोशल मिडियाचेर चर्चा सुरू आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
