पीडब्ल्यूडी खात्याच्या १७४ कोटींच्या कामांक पोरूं मान्यताय
भांगरभूंय | प्रतिनिधी
पणजी, खबरां मेज : पीडब्ल्यूडी खात्याक पोरूं १७४ कोटी ८८ लाख ७१ हजार ०३१ कोटींच्या कामांक मंत्रीमंडळाचे बसकेंत पोस्ट फॅक्टो मान्यताय दिल्या.
- २०१६-१७ ह्या वेळार दिल्ली आशिल्ल्या गोंयकारांक एसी मेंटेनन्स आनी ऑप्रेशन कंडिशनांत दवरूंक ३० लाख २४ हजार रूपया खर्च केल्लो. ताचें बील फारीक करूंक पीडब्ल्यूडी खात्याक २१ फेब्रुवारी २०२३ दिसा जाल्ले मंत्रीमंडळाचे बसकेंत मान्यताय.
- वाळपय मतदार संघांत, उसगांव पंचायत वाठारांतलो बोंडलाचो भितरलो रस्तो सुदारपाक, जाग्यार घालूंक ५१ लाख ७५ हजार ८०० रूपया खर्च केल्ले. आगियार कंन्स्ट्रक्शन कंपनीन काम केल्लें. ताचें बील फारीक करूंक पीडब्ल्यूडी खात्याक १० मे २०२३ दिसा जाल्ले मंत्रीमंडळाचे बसकेंत मान्यताय.
- गोंयांत जाल्ले जी२० परिशदेक ४० विंगड विंगड कामांचेर पीडब्ल्यूडी खात्यान वट्ट १५४ कोटी ३१, लाख ३६, हजार ९६३ रूपया खर्च केल्ले. पुराय बिलां फारीक करूंक १२ जुलय २०२३ दिसा जाल्ले मंत्रीमंडळाचे बसकेंत मान्यताय.
- पीडब्ल्यूडी खात्यान आल्तीन गॅस्ट हावजाचें काम केल्लें. गॅस्ट हावजांत ४१ सादे आनी ४ व्हीआयपी रूम आसात. तातूंत हावजकिपींग, केटरींग, लायटीचेर लक्ष दवरूंक जुल २०२० ते जून २०२३ मेरेन खात्यान ४ कोटी ६७ लाख ५० हजार २९६ रूपया खर्च केल्या. हीं सगळीं बिलां फारीक करपाक २७ सप्टेंबर २०२३ दिसा जाल्ले मंत्रीमंडळाचे बसकेंत मान्यताय.
- पीडब्ल्यूडी खात्यान वेगवेगळीं १० कामां हातांत घेतिल्लीं. ताचेर खात्यान १५ कोटी ०७ लाख ८४ हजार खर्च केल्ले. सगळीं बिलां फारीक करूंक २९ नोव्हेंबर २०२३ दिसा जाल्ले मंत्रीमंडळाचे बसकेंत मान्यताय.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
