भांगरभूंय | प्रतिनिधी
वाळपय: केरी-सत्तरे लिपोवन दवरिल्ल्यो 138 सोऱ्याच्यो बाटल्यो वाळपय पुलिसांनी जप्त केल्यात. हो सोरो भायलो वाडो हांगा आशिल्ल्या मैदानाच्या शेजरा लिपोवन दवरिल्लो. पुलिसांक ह्या बाटल्यांची म्हायती मेळ्ळे उपरांत तांणी तपास करून एका निर्जनथळार बाटल्यो तांकां सांपडल्यो. पुलिसांनी हाचो सोद घेवपाचो यत्न केलो पूण ते येशस्वी जावंक शकले नात. निमाणें हो म्हाल जप्त करून पुलीस स्टेशनार हाडलो.
वाळपयचे पुलीस निरिक्षक राहूल नायक हांणी दिल्ले म्हायती प्रमाण हो म्हाल देशी सोऱ्याचो आसा. वट्ट 138 बाटल्यो आसात आनी अजून मेरेन संबंदिताची म्हायती मेळूंक शकली ना. ताचो सोद घेवपाचो यत्न वाळपय पुलीस करतात.
वाळपयचे पुलीस हवालदार सदा कणकुबकर, गोविंद गावस आनी हेरांनी ही कामगिरी केल्ल्यान हो म्हाल जप्त केल्ल्याचें नायक हांणी मुखार उलयतना सांगलें. हे विशीं पंचनामो केला. फुडलो तपास सुरू आशिल्ल्याचें राहूल नायक हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
