भांगरभूंय | प्रतिनिधी
भांगरभूंय । सांस्कृतीक प्रतिनिधी
पणजीः आमचें कला वैभव म्हान आसा आनी तें गांविगऱ्या वाठारांत ल्हिपल्लें आसा. गोंयच्या सांस्कृतीक खाशेल्यापणाचे संकलन जावपाची गरज आसा, अशें मत आदलो उपमुख्यमंत्री रमाकांत खलप हाणे मांडलां. इन्स्टिट्यूट मिनेझीस ब्रागांझाच्या ल्हान सभाघऱांत चिंचोळें- पणजेच्या कला निकेतन सांस्कृतीक मंडळाच्या 10व्या वर्धापन दीस कार्यावळींत मुखेल सोयरो म्हणून ते उलयताले. तांचे हस्तुकीं कला निकेतनाचो संस्थापक शेखर खांडेपारकार हाचो भोवमान आनी ताच्या गरुडझेप हे यादस्तिकेचें प्रकाश जालें.
दत्ताराम ठाकूर (कलारत्न), विठ्ठल गांवस (नाट्य), चित्रा क्षीरसागर आनी राजमोहन शेट्ये (साहित्य) आनी रामानंद तारी (पत्रकार) हांका पुरस्कार भेटयले. माचयेर सहकार भारतीचो किसन फडते, गोमंतक साहित्य सेवक मंडळाचो अध्यक्ष रमेश वंसकार आनी राजू भिकारो नायक हे सोयरे आशिल्ले. ह्या वेळार दिपा मिरिंगकारान सुरेखा खांडेपारकाराचीओटी भरली.
रमाकांत खलप हाणी शेखर खांडेपारकाराच्या वेगवेगळ्या मळांतल्या वावराचो उल्लेख केलो. गोंय सामाजीक, सांस्कृतीक आनी राजकीय स्थित्यंतरांतल्या जे तरेन वता ते खतीर ताणी हुस्को उक्तायलो. राजू नायकान सांगलें की भुरग्यांमदीं कला, संस्कृती आनी साहित्य विशयक संस्कार किल्लोवपाक जाय. विश्वास पाटील हाणे येवकार गीत सादर केलें. शर्मिला काणकोणकार, पूजा जुवेकार, धनश्री बोरकार, दीपक नायक हांणी मानेस्तांक फुलां भेटोवन येवकार दिलो. रजनी रायकारान सूत्रसंचालन केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
