भांगरभूंय | प्रतिनिधी
भांगरभूंय । प्रतिनिधी
दिवचलः पतंजली योग समिती, गोंय वतीन स्वामी रामदेवबाबाच्या शिश्यांच्या मार्गदर्शना खाला 18 तें 23 फेब्रुवारी मगजतीं सकाळीं 5.30 तें 7 मजगतीं पणजी आल्तिनार जोगर्स पार्कांत योग विज्ञान शिबिराचें आयोजन केलां. पतंजली गोंयच्या कमलेश बांदेकार हाणे ही म्हायती दिली. शिबिरांत व्यायाम आसना, प्राणायाम मुद्रा तसेंच जोड उपचार पद्दतीचें प्रशिक्षण दितले.
शिबिरांत हवन उपचार पद्दतीन वरवीं वेगवेगळ्या दुयेंसाचेर वनस्पतींचो वापर उपचारा खातीर करतले. शिबिरा खातीर खासा हरिद्वारच्यान बाबा रामदेव हाचे शिष्य आनी मुख्य केंद्रीय प्रभारी डॉ परमार्थ देवजी हाजीर रावतले. 21 ते 23 फेब्रुवारीक ते मार्गदर्शन करतले. गोंयकारांनी ह्या शिबिराचो लाब घेवचो अशें कमलेश बांदेकारान मागलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
