भांगरभूंय | प्रतिनिधी
भांगरभूंय । प्रतिनिधी
फोंडेंः पालवाडो-उसगांव हांका कुसल्ले स्थितींत बिबट्याची कूड मेळ्ळी. तागेलीं नाकटां काडून व्हेल्लीं आनी कातडी काडून व्हरपाचो यत्न जाल्ल्याचें दिसतालेंय मुखेल रस्त्यार वाहनाचो धपको बसून व्हो बिबटो कांय दिसां पयलीं मेलो आसपाक जाय अशें फोंडें राना विभागाचो अधिकारी दीपक तांडेल हाणे सांगलें. ताणी तपास करपाक सुरवात केल्या.
मेळिल्ले म्हायती प्रमाण रस्त्याचे कुशीक बिबट्याची ही कूड कांय जाणांनी पळोवन लेगीत राना खात्याक म्हायती दिली ना. शुक्रारा सकाळी एकल्यान फोडें राना विभागाच्या अधिकाऱ्याक म्हायती दिल्या उपरांत ताणी पालवाड्यार येवंन पंचनामो करून बिबट्याची कूड पोस्टमॉर्टेमा खातीर बोंडला धाडली. वाहनाचो धपको बसून तीन- चार दिसां आदीं व्हो बिबटो मेलो आसुए असो अदमास राना अधिकाऱ्यांनी केला. बिबट्याच्या चारूच पायांची नाकटां कापून व्हेल्यांत. बिबटो मेल्या उपरांत रोखडीच ताची नाकटां कापून कातडी काडून व्हरपाचो यत्न केल्ल्याचें दिसून आयलां.
उसगांव वाठारांत फाटल्या कांय म्हयन्यां सावन बिबट्याचो वावर आशिल्लो. कांय जाणाच्या पाळल्ल्या कुत्र्यांक ताणे उबारून व्हेल्लें. गांवातल्या कुत्र्यांक उबारून व्हरपाक आयिल्ले कडेन बिबट्याक रस्त्यार वाहनाचो धपको बसपाची शक्यताय आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
