भांगरभूंय | प्रतिनिधी
पणजी, प्रतिनिधी : रेंव उसपप, दर्यादेग वेवस्थापन आराखडो आनी अस्तंत घांटाचे अधिसुचोवणे विशी मुख्यमंत्री डॉ. प्रमोद सावंत हांणी आयज दिल्लींत केंद्रीय पर्यावरणमंत्री भुपेंद्र यादव हांचे कडेन चर्चा केली. हे वेळार पर्यावरण मंत्री आलेक्स सिक्वेरा हाजीर आशिल्ले.
पर्यावरण मंत्रालयाच्या अटींक लागून रेंव काडपा खातीरचे परवाने दिवपाचो प्रस्न जटील जाला. रेंवेचो उणाव पयस करपा खातीर राज्यांत रेंव काडपाचे परवाने बेगिन दिवप गरजेचें आसा. हे विशी गोंयची मागणी केंद्रीय मंत्री भुपेंद्र यादव हांणी आयकून घेतली, अशी म्हायती मुख्यमंत्री कार्यालयान दिल्या.
दर्यादेग वेवस्थापन आराखडो (सीझेडएमपी) तयार करपाची प्रक्रीया चालू आसा. आराखड्यांतल्या मसुद्यातलो चुको दुरूस्त करपाची गरज आसा. अस्तंत घांट वाठार अधिसुचोवणेचेरुय चर्चा जाली. गोंयचे प्रस्न आयकून ते सुटावे करपाचे आस्वासन दिल्ले खातीर डॉ. सावंत हांणी भुपेंद्र यादव हांचे उपकार मानल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
