भांगरभूंय | प्रतिनिधी
पणजी, प्रतिनिधी : राज्यांत ल्हव ल्हव करून गरमी वाडत आसा. हवामान खात्यान राज्यांत फाल्यां (ता. १७) आनी परवां (ता. १८) तापमानांत २ ते ४ अंश सेल्सिअसान वाड जावपाची शक्यताय आसा अशें सांगलां. ते प्रमाण पणजे चडांत चड तापमान ३७ अंश जाल्यार मुरगांवां चडांत चड तापमान ३४ अंश जावपाची शकयताय आसा. १९ फेब्रुवारी उपरांत हें परत २ ते ४ अंशान देंवपाची शक्यताय आसा.
१७ ते २२ फेब्रुवारीक गोंयांत वातावरण उश्ण आसतलें. १७ वेर कांय सुवातांचेर धुकें पडपाची शक्यताय आसा. फुडल्या ४ ते ५ दीस तापमानांत व्हडलोसो बदल जावपाची शक्यताय नाशिल्ल्याचें खात्यान स्पश्ट केलां. १७ वेर वार्याचो वेग वराक ४५ ते ६५ किमी पावपाची शक्यताय आशिल्ल्यान नुस्तेंकारांनी दर्यांत देवचें न्हय असो उलो हवामान खात्यान मारला.
शुक्रारा पणजे तापमानांत चडांत चड ०.९ अंशान वाड जावन तें ३३ अंश सेल्सिअस जाल्लें. जाल्यार उण्यात उणो तापमान २२.६ अंश सेल्सिअस जाल्लो. मुरगांवां चडांत चड तापमान १.२ अंशान वाडून ३२.६ अंश सेल्सिअस जाल्लें. जाल्यार उण्यांत उणें तापमान २२.६ अंश सेल्सिअस आशिल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
