भांगरभूंय | प्रतिनिधी
वास्को, प्रतिनिधी: एके बायल कामेऱ्याचेर लैंगीक अत्त्याचार करपी जॉयराम कालिता (४२) ह्या कामगार कंत्राटदाराक वेर्णें पुलिसांनी बिरेस्तारा अटक केली. ह्या प्रकरणांत ते बायलेन पुलीस स्टेशनांत कागाळ केल्ली. हे विशीं उपनिरीक्षक विभा वळवयकार फुडलो तपास करतात.
कालिता हो मुळचो आसामचो. सध्या वेवसाया निमतान सांकवाळे रावता. तो वेर्णा उद्देगीक वसणुकेंत मानाय, कामेऱ्यांची पुरवण करपी कंत्राटदार. ताचे कडेन कामेरी म्हणून काम करपी बायलेक ताणें भाड्याची कूड घेवन दिल्ली. १२ तारखेक भाड्याचे कुडींत ती एकटी आसा तें पळोवन तो भितर सरलो. आनी जबरदस्तीन लैंगीक अत्त्याचार केले. हें कोणाक सांगल्यार हाचो परिणाम वायट जातलो अशी धमकी दिली. मात ते बायलेन वेर्णा पुलीस स्टेशनांत कागाळ केले उपरांत पुलिसांनी कालिता आड कारवाय केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
