भांगरभूंय | प्रतिनिधी
भांगरभूंय । प्रतिनिधी
सांगेंः ग्रामीण उदरगत यंत्रणे वतीन धनगरवाडो- वाडें- कुर्डी हांगा बांदल्ल्या समाजघराचें उक्तावण ग्रामीण उदरगत मंत्री गोविंद गावडे हाणे सांग्याचो आमदार आनी समाज कल्याण मंत्री सुभाष फळेदसाय हाचे हाजरेंत उक्तावण केलें. सुमार 58 लाख रुपया खर्च करून हे समाजघर बांदला
राजकारण आनी समाजकारणे वेगळें वेगळें आसता मात समाज वावरांतली तिडक राजकारण करतना काडपाक जायना अशें सांगून धनगर समाजाचो आसपाव अनुसूचीत जातींत करपाची आपली सुरवेक सांवन मागणी आसा. धनगरांक एसटी दर्जो मेळटलोच अशें गावडेन ह्या वेळार सांगलें. वाडें- कुर्डीचे समाजघर बांदपाच्या कामांत ग्रामीण उदरगत यंत्रणेची संचालिका दीपाली नायक आनी अभियंतो चिन्मय मोरजकार हाका व्हड वांटो आसा अशेंय ताणे सांगलें.
गावांनी समाजघर तयार जाल्यार सामाजीक विचारमंथन करपा खातीर तें एक केंद्र जावपाक शकता. ह्या समाजघरा कुशीक आंगणवाडी उबारपाचो यत्न मार्गार लागल्ल्यान हे वास्तूक चड सोबा येतली अशें सागून सुमार साडेतीन कोटी रुपये खर्च करून वाडें- कुर्डी पंचायतीची इमारत बांदतले अशी म्हायती सुभाष फळदेसाय हाणे ह्या वेळार दिली. भाजपाच्या डबल इंजीन सरकाराक लागून सांगें मतदारसंघाची उदरगत कसल्याय आडमेळ्यां विणे जातली अशें ताणे सांगलें.
ह्या दक्षीण गोंय जिल्हो पंचायती वतीन समाजघराक जिल्हो पंचायत वांगडी सुरेश केंपेकार हाचे हस्तुकी देडशे प्लास्टिक खुर्च्यो दिल्यो. जानू झोरे, भैरू झोरे हांणी आपले विचार मांडले. कुर्डी- वाडेंचो सरपंच प्रज्योत गांवकारान सुरवेक सगल्यांक येवकार दिलो. दिवली पेटोवन समाजघराचें उक्तावण केलें.
कार्यावळीक आदलो आमदार वासुदेव मेंग गांवकार, ग्रामीण उदरगत यंत्रणा संचालिका दीपाली नायक, स्वयंपूर्ण इश्ट सविता देसाय, भाटीचो सरपंच चंद्रकांत गांवकार, रिवणचो उपसरपंच सूर्या नायक, अभियंता चिन्मय मोरजकार, नेत्रावळीचो सरपंच बुंदा वरक, उगेंचो उपसरपंच रामा पांढरमिसाळ, पंच साहिल वेळीप, चंदन उंनंदकार, जयश्री गांवकार,जुजेफिन फर्नांडिस, सुभाष वेळीप, तुषार सावंत, सदा डोईफोडे हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
