भांगरभूंय | प्रतिनिधी
भांगरभूंय । प्रतिनिधी
फोंडेंः गोंय विद्याप्रसारक मंडळाच्या डॉ दादा वैद्य बीएड म्हाविद्यालयाचो सहाय्यक प्राध्यापक विनायक सोपान मोरे हाका शिक्षणशास्त्र ह्या विशयांत कोल्हापूरच्या शिवाजी विद्यापिठाची पीएचडी पदवी फावो जाल्या. शालेय विद्यार्थ्यांक गणित विशय सोपो जावचो हे खातीर ताणे सवे यत्तेच्या गणित विशया खातीर संगणक आदारीत अध्यपन प्रणाली तयार केल्या. तांची ही शिक्षण प्रणाली स्वता शिकप आनी शिक्षकां कडल्यान शिकप हातूंत उपेगांत हाडपाक मेळटा.
पीएचडी खातीर प्रबंध संशोधनांत मोरे हाका शिवाजी विद्यापिठाच्या शिक्षणशास्त्र विभागाचे आदले मुखेली प्रा. डॉ एम एस पद्मिनी हिचें मार्गदर्शन मेळ्ळें. विद्यार्थ्यांक गणिताची गोड लागची म्हणून केल्ल्या संशोधना खातीर मोरे हांका गोंय विद्या प्रसारक मंडळाचो अध्यक्ष भास्कर खांडेपारकार आनी कार्यकारी समितीचो अध्यक्ष कृष्णा शेट्ये, म्हाविद्यालयाचो प्राचार्य डॉ जोजेन मॅथ्यू हांणी परबीं भेटयल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
