भांगरभूंय | प्रतिनिधी
नवी दिल्ली, खबरां संस्था ः देशांतल्या सगळ्या कारखान्यांक एकवटीत डिजिटल निरिक्षण प्लॅटफॉर्मान बेगीनूच जोडपाची तयारी सुरू आसा. ताचे वरवीं कारखान्यांक लागून जावपी प्रदुशणाचेर रियल टायम निरिक्षण आनी तें उणें करपाचे उपाय सुचयतलें.
इतलेंच न्हय तर सुचयिल्ले उपाय कितले मेरेन पाळटले हाचे विशीं म्हायती मेळटली. सुत्रां प्रमाण हे खातीर सरकारान इंजिनियर्स इंडिया लिमिटेड (ईआयएल) कंपनीक अधिकृत केल्या. कंपनीन डिजिटल प्लॅटफॉर्म तयार केला, जाचे वरवीं सगळ्या प्रकारच्या प्रदुशणाचो, आवाज, हवेची आनी उदकाची पातळी पळोवंक मेळटली.
हें तंत्रज्ञान पेटंट केलां अशें कंपनीच्या एका अधिकाऱ्यान सांगलें. हो एक असो डिजिटल प्लॅटफॉर्म, जाचे वरवीं प्रदुशणाचेर आळाबंदा हाडपाक व्हड येस मेळटलें. ही एक सामकी सामान्य ऑपरेटिव्ह सिस्टीम. इंच सीओटू छवी ह्या प्लॅटफॉर्माचेर कारखान्यांची नोंदणी जातली. तुमी नोंदणी केल्या बरोबर, कंपनीची पुराय प्रोफायल आनी उत्पादन डाटा नोंद जातलो आनी ताचेर निरीक्षण सुरु जातलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
