भांगरभूंय | प्रतिनिधी
भांगरभूंय । प्रतिनिधी
साखळीः पार्वतीनगर कुळण सर्वण हांगच्या गोमंतक चित्पावन ब्राम्हण संघाच्या श्री योगेश्वरी देवस्थानाचो वर्धापन दीस 27 फेब्रुवारी तें 1 मार्य मजगतीं धर्मीक आनी सांस्कृतीक कार्यावळींनी जातलो. 27 फेब्रुवारीक सकाळीं शतचंडी, पंचायतन याग जातलो, सांजे 7 तें 9 वरांचेर प्राजक्ता काकतकार (मुंबय) हिची संगीत कार्यावळ जातली. शरद वझे आनी जोशी परिवारान ही कार्यावळ पुरस्कृत केल्या.
28 फेब्रुवारीक सांजे 7 तें 10 मजगतीं चित्पावनी भाशेंतली एकांकी सर्त जातली. चित्पावन ब्राम्हण संघान ती पुरस्कृत केल्या. 29 फेब्रुवारीक सांजे 7 वरांचेर दत्त क्रिएशन, दिवचल आनी चित्पावन ब्राम्हण संघावतीन नागेश जोशी हांच्या देवमाणूस ह्या संगीत नाटकाचो प्रयोग जातलो. कमलाक्ष खेडेकारान हे नाटक दिग्दर्शीत केला. 1 मार्चाक दनपारां 11 तें 12 मजगती पावणी, सांजे 4.45 वरांचेर शिवानी वझे हिचे कीर्तन, उपरांत म्हाआरती आनी तीर्थप्रसाद जातलो. सांजे 7 तें 9 मजगती योगेश्वरी देवीची पालखी प्रधक्षिणा जातली.
चारूय दीस सकाळी 8 तें 12 मजगती धर्मीक विधी, 9 तें 11 वरांचेर सुवासिनी वतीन कुंकुमार्चन सेवा जातली. ह्या दिसांनी दनपारां आरत्यो जावूं म्हाप्रसाद आसतलोल. भाविकांनी वर्धापन दीस कार्यावळींक हाजीर रावचें अशें आवाहन गोमंतक चित्पावन ब्राम्हण संघान केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
