भांगरभूंय | प्रतिनिधी
भांगरभूंय । प्रतिनिधी
वास्कोः वाडेनगर शिक्षण सेवा मंडळ आनी वाडेनगर उच्च माध्यमीक विद्यालयान टीजीएसबी सहकारी बँकेच्या पालवान माध्यमीक आनी उच्च माध्यमीक विद्यालयांच्या विद्यार्थ्यां खातीर आयोजीत केल्ल्या गोंय पांवड्या वयले देशभक्तीपर गीत गायन सर्तींत म्युनिसिपल हायस्कूल आनी सेंट अँड्रयू उच्च माध्यमीक विद्यालयान आपापल्या गटांत पयलीं इनामां मेळयलीं.
हेर जैतिवं फुडले भशेन-माध्यमी विद्यालय गट – दुसरें बक्षीस – दीप विहार माध्यमीक विद्यालय, सडा वास्को, तिसरें – श्री दयानंद आर्य माध्यमीक विद्यालय, नेवरा तिसवाडी. उमेद वाडोवपी इनाम – केशव स्मृती माध्यमीक विद्यालय- दाबोळी, सेंट अलायसियस माध्यमीक विद्यालय- दिवाडी.
उच्च माध्यमीक विद्यालय गट – दुसरें इनाम – माऊंट मेरी उच्च माध्यमीक विद्यालय, चिंचणी , तिसंरे – दीप विहार उच्च माध्यमीक विद्यालय-. सडा वास्को.उत्कृष्ट संगीतकार आनी संगीत पंगड – केशव स्मृती उच्च माध्यमीक विद्यालय- दाबोळी, श्री. दयानंद आर्य हायस्कूल नेवरा. डॉ. सुरभी आर्या, शेखर पर्वतकर हांणी सर्तीचें परिक्षण केलें.
बायमा हांगच्या रवींद्र भवनांत आयोजीत केल्ल्या ह्यासर्तीचें उक्तावण वास्कोचो आमदार कृष्णा साळकार हाचे हस्तुकीं केलें. इनाम भेटवण कार्यावळीक मुखेल सोयरो म्हणून टीजेएसबी सहकारी बँकेचो विभागीय वेवस्थापक अरूण भट हाजीर आशिल्लो. नगरसेविका शमी साळकार, सुदेश भोसले, रवींद्र भवनाचो अध्यक्ष जयंत जाधव, वाडेनगर शिक्षण सेवा मंडळाची अध्यक्ष अनघा आर्लेकार, प्राचार्य दिनेश सांतिनेजकार ह्या वेळार हाजीर आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
