भांगरभूंय | प्रतिनिधी
भांगरभूंय । प्रतिनिधी
पणजीः आदलो मुख्यमंत्री आनी सध्याचो मडगांवचो आमदार दिगंबर कामत हांणी राज्यपाल श्रीधरन पिल्लय हाचे उपस्थितींत बुधवारा राजभवान आयोजीत केल्ले कार्यावळींत राज्यांतल्या 160 कॅन्सरग्रस्तांक अर्थीक मजत वितरीत केली.
राजभवनाच्या नव्या दरबार सभाघरांत जाल्ले हे विशेश कार्यावळीक राज्यपालाची घरकान्न रिता पिल्लय, राज्यपालाचो सचीव एम आर एम राव, अतिरिक्त सचीव संजीव पी गांवस देसाय हाजीर आशिल्लो. सुरवेक राव हाणे सगल्यांक येवकार दिलो. संकश्टांत आशिल्ल्या लोकांचे दुखण कमी करपा खातीर आनी तांचे भलायके खातीर राज्यपाल आपले परीन मजत करतात. समाजांतल्या गरीब आनी दुख्खी लोकांक मजत करपी व्यक्तीक मजत करपा खातीर देव सदांच तत्पर आसता अशें दिगंबर कामत हाणे ह्या वेळार सांगलें.
राज्यपालान हाचे पयलीं जायत्या आपसेवी संस्थाक भेटी दिल्यात आनी तांका वैयक्तीक अर्थीक मजत दिल्या. गोंय ग्राम यात्रे निमतान ते गोंयच्या खाची- कोनश्यांनी पावले. डायलेसीस आनी कॅन्सर तशेंच हेर दुयेंतींक ताणी राज्पपाल निधींतल्यान अर्थीक मजत केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
