भांगरभूंय | प्रतिनिधी
भांगरभूंय । प्रतिनिधी
वास्कोः वास्कोच्या अर्बन सहकार पत संस्थेन रीणाची थकबाकी आशिल्यां खातीर एक रकमी रीण फारीक येवजण लागू केल्या. हे येवजणे खाला विशेश सवलत दिल्या. रीण थकबाकी आशिल्ल्यांनी मार्च मेरेन तिचो लाब घेवचो अशें संस्थेचो प्रशासकीच चॅरमन सुभाष खांडोळारान कळीत केलां.
एक रकमी येवजणेचो लाब मार्च मेरेन घेवंन रीण घेतल्ल्या जांचो एनपीएत आसपाव जाला तांकांच हे येवजणेचो लाब मेळपाक शकतलो. ज्या थकबाकीदारां आड केशी न्ययप्रविश्ट आसात वा मार्च 2022 मेरेन ज्या रिणकारांक फाटल्या सात वर्सांत नेमान हप्ते भरप शक्य जालें ना तांकां ही येवजण लागू जातली. सध्याचें संचालक मंडळ तशेंच आदले संचालक आनी तांच्या सोयऱ्यांक व ज्या रिणकारा आड न्यायालयान आदेश काडला ताका हे येवजणेचो लाब मेळचो ना अशें पत संस्थेन कळीत केला. संस्थेन अदूं रीण वितरणांत विशेश सूट दितना 15 जानेवारी 2024 तें 31 मार्च 2024 मेरेन रीणकारांक एक टक्को कळंतर कमी करपाचो निर्णय घेतना प्रक्रिया फी एक टक्क्या वयल्यान 0.25 टक्के करपाचें जाहीर केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
