भांगरभूंय | प्रतिनिधी
भांगरभूंय । प्रतिनिधी
फोंडेंः ‘प्रेयर हाऊसा’च्या नांवा खाला धर्मातरणांक उर्बां दिवपी पत्रकां वितरीत करतात तांचेर कारवाय करपाची मागणी हिंदुत्वनीश्ठ मयूर कन्नावर. तुषार, भारत पुरोहित, अजय पुरोहित, सुरेंद्र अग्रहरी, जंयत जगताप आनी हिंदू जनजागृती समितीच्या सत्यविजय नायक हाणी केल्या. ते संबंदांत ताणी फोडें पुलीस स्टेशनाचो निरीक्षक तुषार लोटलीकार निवेदन भेटयलां.
फाटल्या 11 फेब्रुवारीक फोंडें बसस्टॅण्डार ‘म्हज्या पापांक कोण माफ करतोलो?’ ह्या माथाळ्यांची पत्रकांक कांय किरिस्तांव मिशनरीचे वांगडी लोकांक दिताले. लोकांक जी भास येता त्या भाशेंल्यान ही पत्रकां वितरीत करताले. पत्रकांचे फोडें प्रेअर हावस, सीएसआय सभाघर, फर्मागुडी असो पत्तो दिला आनी ताचेर संपर्क सादपाकचें आवाहन केलां.
ह्या पत्रकांचेर येशूक समजून घेवन ताका आपणायात, मूर्तीपूजक उज्यांत जळटले अशें आक्षेपार्ह लिखाण केलां. धर्मीक तेढ तयार करपाचो व्हो प्रकार आसून त्या गुन्यांवा खाला संबंदितांचेर कारवाय करपाची मागणी हिंदुत्वनिश्ठांनी केल्या. बिलिव्हर्सच्या आडचे कारवाये उपरांत गोंयांत नवनव्या नांवांनी पास्टर डॉमनीक सारक्यो व्यक्ती आनी बिलिव्हर्स सारक्यो संघटना तयार जावपाक लागल्यात. ताचेर खर कारवाय करपाची मागणी तांणी केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
