भांगरभूंय | प्रतिनिधी
पणजी, प्रतिनिधी : लोकसभा वेंचणुके खातीर आम आदमी पक्षान दक्षीण गोंयचे उमेदवार म्हूण बाणावलीचे आमदार वेन्झी व्हिएगस हांचें नांव जाहीर केलां. पक्षाचे गोंयचे मुखेली अॅड. अमित पालेकार हांणी ही घोशणा केली. आरजी उपरांत आता आम आदमी पक्षान लोकसभे खातीर एका उमेदवाराची घोशणा केल्या.
आप हो इंडिया आघाडीचो घटक पक्ष. आपान एक उमेदवार जाहीर केल्ल्यान गोयांत सुद्दा इंडिया आघाडी इबाडपाचे वाटेर आसा. इंडिया आाघाडी विशीं काँग्रेस पक्ष गंभीरतायेन विचार करीना. काँग्रेस निर्णय घेवपाक सदचे भशेन उशीर करता, म्हूण लोकसभा उमेदवाराची घोशणा पक्षान केल्या, अशें अॅड. पालेकार हांणी सांगलें. आप हो इंडिया आघाडीचो घटक पक्ष. काँग्रेसीन आघाडे विशीं गंभीरतायेन विचार केलो जाल्यार अजूनय तडजोड करपाची आपाची तयारी आसा, अशें तांणी सांगलें.
लोकसभा वेंचणूक जाहीर जावंक नासली तरी सगळ्या पक्षांनी तयारी सुरू केल्या. सोमारा भाजपाच्या वेंचणुक समितीची बसका जाले उपरांत मंगळारा आपान उमेदवाराची घोशणा केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
