भांगरभूंय | प्रतिनिधी
भांगरभूंय । प्रतिनिधी
म्हापशेंः खोर्ली- म्हापशें हांगच्या आस्था हे संस्थेच्या आनंद निकेतन ह्या दिव्यांगाच्या शाळेंतले विद्यार्थी अभिनव पळ आनी शौनक जल्मी अखील भारतीय गंधर्व मंडळान फाटल्या डिसेंबर म्हयन्यांत घेतिल्ले संगीत परिक्षेंत संवादिनी आनी तबलें परिक्षेंत विशेश श्रेणीत पास जाले.
संवादिनी (पेटी) आनी तबलें वादनांत अपवादात्मक कामगिरी करून ह्या दिव्यांक विद्यार्थ्यांनी सगल्यांचेर आपली छाप वडयली. ही परिक्षा तांचे खातीर तशी आव्हानाची आशिल्ली, मात कुळताय, चिकाटी आनी समर्पण हातूंतल्यान तांणी पयले श्रेणीचो दर्जो मेळयलो. शाळेंत प्रसिद्धी पत्रका वरवी दोनूय विद्यार्थ्यांच्या येसा खातीर खोस उक्तायल्या. शाळेचो संगीत शिक्षक प्रकाश आजगांवकार आनी गजानन च्यारी हांणी हाणी तांका संगीताचे धडे दिले. पालक शिला पळ, सुभाष पळ, समिक्षा जल्मी आनी सुदान जल्मी हाणी प्रोत्साहन दिल्ल्यान अभिनव आनी शौनकाचो संगीत प्रवास येसस्वी जालो.
अभिनव पळ हाचे संवादिनीचेर आनी शौनक जल्मीचे तबल्या वयले प्राविण्य फकत ताच्या घरच्यांक न्हय जाल्यार पुरास शालेय समुदाया खातीर व्हडा अभिमानाचें आसा. तांचे पसून हेर विद्यार्थ्यांक प्रेरणा मेळटली अशी आस्त विद्यालयान उक्तायल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
